Мамыр айында қазақстандықтар мұсылман қауымы үшін ең қасиетті мерекелердің бірі – Құрбан айтты атап өтеді, деп жазады Egemen.kz.
Құрбан айттың нақты күні Қазақстан мұсылмандары діни басқармасымен бірлесіп Еңбек және халықты әлеуметтік қорғау министрлігі тарапынан бекітіледі.
2026 жылы Құрбан айт 27 мамырға, яғни сәрсенбі күніне сәйкес келіп тұр. Сондықтан бұл күн ресми түрде демалыс күні болып саналады.
Осылайша, мамыр айында ел азаматтарын қосымша бір демалыс күні күтіп тұр.
Айта кетейік, Құрбан айт – ислам әлеміндегі ең маңызды мерекелердің бірі. Ол Ораза айттан кейінгі 70-күні атап өтіледі. Ай күнтізбесіне байланысты мерекенің мерзімі жыл сайын шамамен 10 күнге артқа ауысып отырады.
