Сұрақ: Жұма намазына бара алмағандар, азан айтып бесінді оқи ма?
Жауап: Күнделікті бес уақыт және жұма намаздары – парыз амалдарынан. Адамдар түрлі себептермен жұма намазына бара алмай қалатындары да бар. Барынша парыз амалдарын орындау қажет.
Ислам діні – қиындық діні емес. Дұрыстап пайымдаса, барлық амалдың шешімі бар. Діни ақпараттар еліміздің ресми сайттарында қолжетімді. Өзге елдің діни ақпараттарына еліктеуге негіз жоқ.
Ал, адам жұма намазын науқастанып, жолаушы болып, немесе басқа да себептермен орындай алмай қалуы мүмкін. Мұндай жағдайларда ол бесін намазын оқи алады. Сонымен, жұма намазының уақытында қалалық жерлер мен жұма намазы оқылатын елді мекендерде бесін намазына азан айтылмайды. Себебі жұма намазының азаны айтылады.
Жұма намазына бара алмай қалғандар бесін намазын азан айтпай жеке оқиды. Сондай-ақ жұма намазы оқылмайтын ауылдық жерлердегі адамдар бесін намазын азан мен қамат айтып оқуына болады. Демек, үзірлі жағдай болмаса, жұма намазына қатысу қайырлы екен.
Икрам АЙТАЕВ
