«Әзірет Сұлтан» ұлттық тарихи-мәдени музей-қорығы мен Дуньхуан академиясы мәдени мұраны сақтау, зерттеу және кеңінен таныту бағытындағы ынтымақтастық туралы келісімге қол қойды.
Құжат Қытайдың Дуньхуан қаласында ҚР Мәдениет және ақпарат министрлігінің қолдауымен өткен «Қытай мен Орталық Азия арасындағы Ұлы Жібек жолының мәдени мұрасын қорғау» халықаралық семинары аясында рәсімделді.
Кездесуде екі мекеменің өкілдері тарихи-мәдени нысандарды сақтау, қалпына келтіру, ғылыми зерттеулер жүргізу, мамандар даярлау және кәсіби тәжірибе алмасу бағытындағы жұмыстарды талқылады.
Келісім аясында ұзақ мерзімді әріптестікті дамыту, ортақ ғылыми және реставрациялық жобаларды іске асыру, сондай-ақ тарих және мәдениет ескерткіштерін зерттеу тәжірибесімен алмасу көзделген.
