Сұрақ: Уақытты күнә істермен өткізудің салдары қандай?
Жауап: Уақыт – Алланың адамға берген нығметтерінің бірі. Уақытты дұрыс пайдаланудың екі дүниеде де пайдасы бар. Оның қадіріне жетіп, мақсатты амал ету қайырлы іс.
Ал, уақытты бос істермен, пайдасыз немесе харам еткен амалдармен өткізудің адамға рухани, психологиялық салдары өте көп. Күнә істерді арттыру жүректі қарайтып, жақсылыққа деген сезімін төмендетеді, уақытты пайдалы іске жұмсамау, күнә істердің артуы үлкен күнә істерге себепші болады, бос уақытты өткізені үшін ақыретте сұрауы да бар, ризықтан берекесі кетіп, құлшылыққа деген құштарлығын жоғалады.
Сонымен, пайдасыз істер жанды жегідей жеп, жаман әдеттерге тәуелділігі артып, нәпсіге құл болады. Оның салдары қоғамнан өз орнын жоғалтып, қайырсыз адамға айналады. Мұндай адамдарға Алланың ризашылығы болмайды.
Пайғамбарымыз (с.а.у.) хадисінде: «Бес нәрсе келместен бұрын бес нәрсенің қадірін біл: қартаймай тұрып жастық шақтың, ауырмай тұрып денсаулықтың, кедейліктен бұрын байлықтың, бір нәрсемен шұғылданбастан бұрын бос уақыттың және өлімнен бұрын өмірдің», деген. Алланың берген уақыты қайталанбайтын дүние екен, оның қадіріне жетіп, шүкіршілік ету – саналы адамның ісі.
Икрам АЙТАЕВ
