Бүгін Шымкент қаласында «Ұлттық құндылықтар аясындағы рухани тәрбие – ұрпақтар сабақтастығының негізі» атты ардагерлер кеңесінің форумы өтті.
Алқалы жиынға ҚР Ардагерлер кеңесінің төрағасы Әділғазы Құсайынов, қалалық ардагерлер кеңесінің басшысы Кенжехан Төлебаев, Қазақстанның еңбек сіңірген қоғам-заң қайраткері Бекет Тұрғараев, қала әкімінің орынбасары Сәрсен Абайұлы, Шымкент қаласының бас имамы Бақдәулет Нұрматұлы қатысып, арнайы баяндама жасады.
Жиында ҚМДБ тарапынан қабылданған ас беру мәдениеті құжаты таныстырылып, той мәдениетіне қатысты мәселелер бойынша бірқатар ұсыныс жасалды. Сондай-ақ, форум аясында арнайы үндеу қабылданды.
