Бірде имам Бұхари намаз оқып болған соң: “Желкемде бір нәрсе тұрған сияқты, алып тастаңыздаршы”, деп шәкірттеріне айтқан екен.
Шәкірттері қараса, имам Бұхаридың желкесіне ара қонып, он жеті жерден шаққанын көріпті. Соншама рет ара шақса да, намазын алаңдамай оқыпты. Не деген ықылас десеңізші?
Біз болсақ, шыбын-шіркей денемізге қонса, не одан да аз нәрсеге алаңдап, қағынып, қозғалып тұрамыз.
Сол үшін намазда ықылас керек.
Пайғамбарымыз (Алланың салауаты мен сәлемі оған болсын) дұғасында: «Менің естуім, көруім, миым, сүйектерім және жүйкелерім Сенің алдыңда кішіпейілділік танытады», деп айтатын. (Муслим)
Алла баршамызға намазды ықыласпен оқуға жазсын!
Қуат ҚАБДОЛДА
