Сұрақ: Радикалды діни уағызшылар зайырлылықты неге құптамайды?
Жауап: Зайырлылық таным ешбір дінді артық немесе кем деп қарастырмайды. Діни сенім бостандығына кепілдік беріп, әр адам өз дінін еркін таңдап, ұстана алады. Дәстүрлі Исламның қағидасы да діни сенім бостандығына кепілдік береді.
Ал, әлеуметтік желілердегі радикалды діни топтардың уәжі қоғам мен мемлекеттің заңдары толықтай діни қағидаға негізделуі керек десе, кейбірі Құдай заңынан басқа заңды мойындамау керек дейді. Мұндай көзқарастар дәстүрлі діннің негіздерін білмейтін әсіре діншілдер санаты мен деструктивті діни ағым өкілдері. Бұлар елде дінараздық алауыздық қоздырудан ары бармайды.
Зайырлылық қағидалары мұндай әрекеттерді қолдамайды. Ол әртүрлі діндер мен дүниетанымдардың қатар өмір сүруіне мүмкіндік береді, ал кереғар діни топтар көбіне өз көзқарастарын дұрыс санап, қоғамның діни тұрақтылығына сызат түсіреді.
Дәстүрлі ұстанымдағы дін өкілдері зайырлы мемлекетті қолдайды, өйткені ол әркімнің діни сенім мен ар-ождан бостандығын қорғайды. Жат діни ағымдардың идеологиясынан сақтанып, конфессионалды жағдайдағы елдерде діни төзімділік пен тағаттылық таныта бейбіт қатар өмір сүруді үйрену әр азаматқа міндет.
Икрам АЙТАЕВ
