Сұрақ: Ғаламтордағы ашық діни ақпараттың қаупі қандай?
Жауап: Ақпараттық кеңістіктің шекарасы жоқ екені белгілі. Қазіргі жастар көп уақытын ғаламторда, әлеуметтік желілерде өткізетіні анық. Әлеуметтік желіде түрлі ниетте контент жасаумен, ақпарат таратумен айналысатын небір үлкен киберорталықтар пайда болған. Олар түрлі діни ақпараттарын жылдамдықпен таратып, миллиондаған адамның санасына әсер ете алады.
Бұрыс діни ақпараттардың жаңа өсіп келе жатқан жасөспірімдер үшін қауіп-қатері бар. Күн өткен сайын ақпарат алмасудың жаңа-жаңа жолдары шыға береді. Интернет кеңістігінде жақсылыққа шақырғандай болып отырғанымен, қиянатқа, қылмысқа, күнәға жетелейтін топтар да бар екені жасырын емес.
Таралып жатқан ақпаратқа шектеу қоя алмағанымызбен, жастардың таңдау еркіне әсер етуге болатынын да есепке алғанымыз жөн. Ол үшін ата-ана баласы не көріп, не біліп, қандай ақпараттар алмасып жүргенін бақылауға алғаны абзал. Бақылаусыз қалса кімнің арбауына түсетіні, рухани тәрбиесі бұзылып қоғамда өз орнын таба алмау қаупі бар. Демек, бала тәрбиесі кезек күттірмейтін дүние екендігін ұмытпағанымыз жөн екен.
Икрам АЙТАЕВ
