Сұрақ: Мұсылманның қоғамдағы орны қандай болу керек?
Жауап: Кейбіреулер мұсылманды тек мешітте намаз, ораза сынды діни ғибадатпен шектелетін, дамымаған, қоғамның белсенді және пайдалы мүшесі емес деп ойлауы мүмкін. Мұндай көзқарас дәстүрлі исламды толық түсінбеуден туындайды.
Асыл дініміздің тағылымында мұсылман адам шыншыл, әділ, аманатқа берік болуын, еңбекқор, білімді, өзгелерге қамқоршы болуын, дүниелік білімді де меңгеріп, қоғамның дамуына үлес қосуын, заңды құрметтеп, қоғамдық тәртіпті сақтаушы болуын, амдамдармен қарым-қатынасы дұрыс болуын, қоғамның бірлігін сақтап, бейбіт ниетте болуын міндеттейді.
Ал, жат ағымдарға еліктеп, жағымсыз қылықтар мен іс-әрекеттерімен жиі көзге түсетіндер – дін негіздерін толық түсінбей, пайымдайтындар.
Пайғамбарымыздың (с.а.у.) хадисінде: «Адамдардың жақсысы – (өзгеге) адамдарға көбірек пайда тигізетіндер», десе, тағы бір хадисінде: «Қандай да бір пенде бауырына жәрдемдескен сайын, Алла Тағала да ол пендесін жәрдем етеді», деген.
Демек, мұсылман бүлікшіл емес, шынайы мұсылман қоғамның белсенді, жанашыр, пайдалы, рухани бай мүшесі болуы керек екен.
Икрам АЙТАЕВ
