Сұрақ: Зайырлылықтың қандай құндылықтары бар?
Жауап: Кейбір азаматтардың пайымында зайырлылық дінге қарсы ұстаным деген түсінік бар. Алайда бұл ұғымға тереңірек мән беріп, ақиқат пайымға көз жеткізген абзал.
Зайырлылықтың өзіне тән қалыптасқан құндылықтары бар. Зайырлылық қоғамда діни сенім иелерінің бейбіт өмір сүруіне жағдай жасайтын қағидаттар жиынтығы.
Зайырлылықтың негізгі өзіндік құндылықтары: Ар-ождан және діни сенім бостандығы – әр адам дінді ұстануға немесе ұстанбауға да ерікті, заң алдындағы теңдік – азаматтар дініне немесе дүниетанымына қарай бөлінбейді, мемлекет пен діннің бөлінуі – мемлекет бір дінді ресми дін деп қаржыландырып қолдамайды, тіркелген басқа да дінді шеттетпейді, тағаттылық пен өзара құрмет – ұлттардың салт-дәстүрлерін құрметпен қарау, ғылыми ойлау мен білім еркіндігі – білім мен саясат діни догмаларға емес, ақыл мен дәлелге сүйенеді, қоғамдық келісім мен тұрақтылық – діни айырмашылықтар саяси немесе дінараздық қақтығысқа айналмауына ықпал етеді.
Демек, зайырлылық дінге жат емес екендігі, керісінше зайырлылықтың басты құндылығы – ұлтараздық пен дінараздық алауыздықтан сақтанып, бейбіт өмір сүруде.
Икрам АЙТАЕВ
