Сұрақ: Ислам адам құқығын шектей ме?
Жауап: Адам құқығы – тұлғаның бостандығы мен өмір сүру еркіндігін білдіреді. Дәстүрлі Исламда адамның құқығы мен ар-намысын қорғау өте маңызды.
Дінімізде адамның мынадай құқықтары нақтыланған: өмір сүру құқығы, еркіндік, меншік құқығы, білім алу, әділдік талап ету. Сондай-ақ, адам өз құқықтарын қорғауға, зұлымдыққа қарсы тұруға шақырады. Яғни, діни сенім мен ар-ождан бостандығы қаралған.
Дәстүрлі дінде еркіндікті шектеп, Исламды күштеп қабылда деген талап жоқ. Дінге сену немесе сенбеу адамның өз еркіндегі дүние. Дін негізіндегі кейбір тыйымдар адам құқығына қайшы деген түсінік – жаңсақ. Шариғат деңгейіндегі адамгершілік пен әдеп мәселесіндегі, неке және отбасы, жыныстық қатынас, ішкілік ішу мәселесі, азарттық ойындар сынды арсыздыққа апаратын және адамға зиянды нәрселердегі шектеулерді, адам құқығын шектеу деп пайымдау дұрыс емес.
Ал, кейбір деструктивті діни топтар шариғаттың талабын орындап жатырмыз деп, адам құқықтарын шектеуі, зұлымдыққа баруы, басқа діндерге деген жағымсыз көзқарастары дәстүрлі Исламның талаптарына сай келмейді. Кереғар діни ағымдардың іс-әрекеттерін дәстүрлі діннің қағидаларымен шатастырып алмағанымыз жөн.
Икрам АЙТАЕВ
