Жатар алдында қандай сүре, дұғаларды оқыған абзал?

Сұрақ: Жатар алдында қандай сүре, дұғаларды оқыған абзал?

Жауап: Адам күндіз жұмыс істеп, шаршап ұйқыға жатқанда бастырылып немесе түрлі түстер көріп шошып оянуы мүмкін. Мұндай жағдайларда ересек адамдар «Фатиха», «Ықылас», «Фалақ», «Нас», «Аятул курси» сынды т.б. аят-сүрелерді үш реттен оқып дем салуына болады.

Ал, жас балаларына ересек адамдары аталған аят-сүрелерімен дем салуына болады. Жатар кезде айтылатын зікірлер, дұғалар пайғамбарымыздың (с.а.у.) хадистерінде кең баяндалған.

Сонымен жатар алдында «Аллаһумма бисмика әмуту уә ахйа» (Ей Аллаһ! Сені есіміңмен өліп (ұйықтап), Сенің есіміңмен тірілемін (оянамын)) – деген, ал, оянғанда: «Әлхамду лилләһил-ләзи ахйанә баъдә мә аматана уә илайһин-нушур» (Бізді өлтіргеннен (ұйықтау) соң, қайта тірілткен (ояну) Аллаһқа шүкір! Әрі біз Оған қайтушымыз!) деген.