Сұрақ: Намаздың ішкі, сыртқы парыздары қандай?
Жауап: Намаз – бес парыздың бірі. Балиғат жасына жеткен, саналы мұсылманға бес уақыт намаз – парыз.
Діни еңбектерде намаздың он екі парызын атап өткен. Олар толық орындалмаса, намаз дұрыс болмайды. Бұл парыздар сыртында алтау, ішінде алтау.
Сыртындағы парыздар: хадастан тазалық (дәретті болу, рухани тазалық), нәжістерден (намазға кедергі келтіретін лас-нәжістерден тазалық) тазалық, әурет (ұятты жерлерін) жерін жабу, құбылаға бет бұру, уақыттың (намаз уақытының болуы) кіруі, ниет (намазды жүрекпен білуі).
Ал, намаз ішіндегі парыздары: ифтитах тәкбірі (намаз бастар алдындағы тәкбір), қиям (тұру), қырағат (оқу), рукуғ (иілу), сәжде, ақырғы отырыс (намаздың соңындағы ташаһһуд).
Намазда аталған ішкі, сыртқы шарттары мен парыздарына мән бергеніміз қайырлы іс.
Икрам АЙТАЕВ
