Әжетханаға кірерде не үшін дұға айтылады?

Сұрақ: Әжетханаға кірерде не үшін дұға айтылады?

Жауап: Әжетханаға кірерде дұға айтып кіру – Ислам әдебінде бар нәрсе. Мұсылман адам дұға айту арқылы зиянды нәрселерден сақтанады. Пайғамбарымыз (с.а.у.) хадистерінде адамға зиян тигізетін жындардың тезек, сүйек, күл-қоқыс сияқты т.б. нәжіс, лас нәрселерімен қоректенетінін хабарлаған. Ондай жерлерде дәрет сындыру т.б. амалдарды істеуден қайтарған. Әжетхана сияқты лас жерлерде де жын-шайтандар болуы мүмкін екендігі айтылған.

Пайғамбармыздың (с.а.у.) хадисінде әжетханаға кіреде «Аллаһумма инни аъузу бика минал хубси уәл хабаис» (Аллаһым! Еркек және ұрғашы жындарға қарсы Сенен пана тілеймін) деп дұға оқуды бұйырған.

Дұға айтып жүру – сүннет. Әжетханаға дұға айтып кіру арқылы адам өзін рухани тазалыққа да бағыттайды. Мұсылман әр ісін Алланы еске алып, дұға жасаумен бастағаны қайырлы. Мұндай әрекетті күнделікті өмірде әдетке айналдырғанымыз дұрыс.