Бірде Хасан Басриден (Алла оны рақымына бөлесін): «Неге осы ғалымдардың көбі кедей болады?Олардың ақылдары көп ғой. Ал керісінше ақылы онша көп еместер бай болады. Бұны қалай түсіндіріп бересіз?» деп сұрапты.
Сонда ғалым былай деп жауап беріпті:
«Адам баласы неге бейім болса, неге құштар болса, Алла Тағала соны береді. Ақылы аз болса да, адам байлыққа құштар, сол үшін бай болады, ол оның рыздығы. Ал ғалым адам ілімге құштар, ақылға бай болады, ол оның рыздығы. Рыздық дегеніміз – тек ақша ғана емес, рыздық дегеніміз – адамның ақылы, денсаулығы, бала-шағасы, қызметі, кәсібі, абыройы» деп жауап берген екен.
Қуат ҚАБДОЛДА
