Әлемнің спорттық ақпарат құралдарында UFC-да өнер көрсететін бразилиялық спортшы, кәсіби аралас жекпе-жек өкілі және бұрынғы кикбоксшы Алекс Перейраның соңғы 7 жылдан бері Ислам дінін ұстанатыны туралы мәлімет тарады.
Спортшының өзі ешқашан Исламға келгені туралы хабарлаған емес. Алайда әлеуметтік желілерде тараған видеоға қарағанда, ол 2015 жылы Бразилияның мұсылман қауымдастықтары федерациясының директоры шейх Халид Таки ад-Динмен бірге кәлима сөздерін айтып, мұсылман болған. Сілтеме:
(18) UFC Fighter Alex Pereira takes Shahada, Becomes Muslim – YouTube
Оған дейін Алекс Перейра ұзақ жыл маскүнемдікке салынған еді. Исламды қабылдағалы бері спиртті ішімдікті ауызға алмаған, яғни Исламға келу арқасында ол салауатты өмір салтына толық оралды.
