«Ей, адамдар! Сендерге Раббыларың тарапынан бір уағыз және жүректегілеріңе шипа әрі иман келтірген үшін туралық пен мейірім (Құран) түсті» (Жүніс: 57).
Ислам тарихында Құранның кейбір бөлігі ғана емес, барлығы тұтастай шипа екеніне куә болатын оқиғалар жеткілікті. Мұндай риуаяттардан соң адам расында да бүкіл Құран Кәрім – шипа деген тұрақты шешімге келеді. Мысалы:
Әбу Ауф әл-Ашджағи есімді ғалым науқастанып қалады.
Адамдар одан: – Сені қандай дауамен емдейік? – деп сұрайды. Сонда Әбу Ауф әл-Ашджағи:
– Маған су алып келіңдер. Расында Алла Тағала:
«Аспаннан берекетті жауын жаудырдық» – деп айтқан дейді (Қаф: 9). Қасындағылар су алып келеді. Мұнан соң:
– Енді маған әсел алып келіңдер. Алла Тағала:
«Араның қарындарынан түрлі-түсті бал шығады. Онда адам баласы үшін шипа бар» – деп айтқан дейді (Нахыл: 69). Адамдар барып әсел алып келеді. Әбу Ауф әл-Ашжағи тағы:
– Енді маған зәйтүн майын беріңдер. Бұл хаққында Алла Тағала:
– «Шығыста болмаған берекетті зәйтүн майымен тамызылады», – деп айтқан дейді (Нұр: 35).
Айтылған осы нәрселердің барлығы Әбу Ауф әл-Ашджағидың жанына қойылады. Ол бұлардың барлығын бір ыдысқа құйып, араластырып, кейін Алланың шипасы болсын деп ішеді. Осылайша ғалым дертінен айққан екен.
Жалғас Садуахасұлы, дінтанушы
