Түркия мемлекетінің басшысы соңғы екі жылда терроризм қатерін жою бағытында айтарлықтай ілгерілеуге қол жеткізілгенін мәлімдеді.
Терроризм қаупін түбегейлі жою мақсатында басталған «Терроризмсіз Түркия» үдерісі мемлекеттік жоба ретінде жүзеге асырылуда.
Бұл туралы Түркия Президенті Режеп Тайип Ердоған Ыстамбұлда қаза тапқан әскери қызметшілердің туыстарына, ардагерлерге және олардың отбасы мүшелеріне мемлекеттік мекемелердегі қызмет орындарын бөлу рәсімінде сөйлеген сөзінде мәлімдеді.
«Терроризм қасіретін түбегейлі жою мақсатында бастаған “Терроризмсіз Түркия” үдерісін мемлекеттік жоба ретінде жүзеге асырып жатырмыз», – деді мемлекет басшысы.
Ердоған соңғы екі жылда барлық арандатушылықтар мен арандату әрекеттеріне қарамастан, бұл бағытта айтарлықтай ілгерілеуге қол жеткізілгенін атап өтті.
«Ел мен халықтың жауы болған, 50 жылға жуық уақыт бойы террор индустриясын кәсіпке айналдырған күштердің көздерін біртіндеп құртамыз. Бауырыңды бауырыңа қарсы қойып, жаңа алауыздық ошақтарын тұтандыру арқылы қақтығыс туғызу жоспарлары еліміздің күш-жігерінің арқасында, шүкір, іске аспады», – деді президент.
Мемлекет басшысы алдағы жолдың соңғы кезеңін де еңсеріп, Түркияның күш-жігері арқылы бүкіл өңірде бейбітшілік пен тұрақтылықты қамтамасыз етуге үміт білдірді.
Түркия Президенті билік бұдан былай да терроризмнің ел аумағында тамыр жаюына, жаңа қасіреттерге себеп болып, отбасыларға қайғы-қасірет әкелуіне жол бермеу үшін батыл қадамдар жасай беретінін атап өтті.
