Бүгін, 11 қыркүйекте, АҚШ-та болған ең ірі террорлық шабуылдардың бірі – 2001 жылғы 11 қыркүйек оқиғасына 25 жыл толды.
Сол күні «Әл-Каида» террорлық ұйымының мүшелері төрт жолаушылар ұшағын басып алды. Оның екеуі Нью-Йорктегі Дүниежүзілік сауда орталығының қос мұнарасына соғылса, үшіншісі Вашингтондағы АҚШ Қорғаныс министрлігі ғимараты – Пентагонға бағытталды. Төртінші ұшақ Пенсильвания штатында құлады.
Террорлық шабуыл салдарынан 2 977 адам қаза тапты. Құрбандар арасында түрлі елдердің азаматтары болды. Мыңдаған адам жарақат алып, кейінгі жылдары шабуылдан зардап шеккендердің қатарында түрлі аурулар тіркелді.
11 қыркүйек оқиғасы АҚШ-тың ғана емес, бүкіл әлемнің қауіпсіздік саясатына айтарлықтай өзгеріс әкелді. Осыдан кейін халықаралық терроризмге қарсы күрес күшейіп, әуе қатынасы мен шекара қауіпсіздігіне қойылатын талаптар қатаңдатылды.
25 жылдан кейін де 11 қыркүйек құрбандарының есімі ұмытылған жоқ. Бұл күн терроризмнің адамзатқа төндіретін қауіпін еске салатын қаралы дата ретінде тарихта қалды.
