Сұрақ: Діннің қоғамға тигізер қандай әсерлері бар?
Жауап: Қоғам – адамдар бірге өмір сүріп, еңбек етіп, қарым-қатынас жасайтын әлеуметтік орта. Ал, адами құндылықтар жойылса, адамдар бір-бірінің қадірін бағаламай, алауыздыққа себепші болады.
Қоғамда түрлі сенімдегі азаматтар өмір сүреді. Кез келген қоғамның қалыптасқан өзіне тән өмір сүру дағдысы мен салт-дәстүрі болады. Адамның тіршілік ету мәдениеті өзі өмір сүріп отырған қоғамдық құндылықтарға тән.
Сонымен, Ислам дінінің қоғамға тигізер рухани әсерлері көп екен. Жұртты адамгершілікке, адалдыққа, мейірімділікке тәрбиелейді, отбасылық құндылықтарын, қайырымдылық сынды ізгі істерге себеп болады, қоғамда бірлік пен ынтымақтастықты арттырады, өмірдің мәні мен рухани дамуына қолдау білдіреді, аманатқа қиянат жасамау сынды т.б. дүниелерді қалыптастырады.
Деструктивті діни ағымдарда қоғам деген түсінік болмайды. Олардың арбауынан сақ болғанымыз дұрыс. Пайғамбарымыздың (с.а.у.) хадисінде: «Адамдардың жақсысы (өзге) адамдар үшін көбірек пайда тигізгендері», – десе, тағы бір хадисінде: «Кімде-кім ешкімге зұлымдық қылмастан және біреудің ақысын жеместен, қандай да бір ғимарат тұрғызса немесе біреудің ақысын жемей, зұлымдық жасамастан ағаш отырғызса, Алланың жаратылыстары одан пайдаланған сайын, оған сауап барып тұрады», – деген.
Демек, дәстүрлі Исламның қоғамның рухани дамуы мен тұрақтылығына тигізер әсері көп екен.
Икрам АЙТАЕВ
