Сұрақ: Дінаралық татулықта зайырлылықтың рөлі қандай?
Жауап: Зайырлылық қоғамда дін өкілдерінің бейбіт өмір сүруіне құқықтық және әлеуметтік негіз қалайды. Зайырлы мемлекет ешбір дінді артық немесе кем деп қарастырмайды. Әр адам өз дініне еркін таңдап, ұстана алады немесе ешқандай дінді ұстанбауға құқылы. Дәстүрлі діндердің де қағидасы осы.
Әлеуметтік желілердегі “бір дін болуы керек, басқа конфессияларды жабу керек, құрту керек” дейтін сәуегөйлердің сөздері діни тұрақтылыққа сызат түсіреді. Конфессионалды жағдайдағы елдерде діни төзімділік пен тағаттылық таныта бейбіт қатар өмір сүруді үйрену әр азаматқа міндет. Әлемдік геосаяси ықпалдастықтар аясы кеңіп, қоғамда түрлі қарым-қатынастардың күрделенген тұсында жаңа заманның талап-үрдістерін ескеруіміз қажет.
Мемлекет елдің тұтастығына нұқсан келтіретін жат мүдделер мен идеологиялардың ортада орын алмауы үшін халықаралық келісім фактілеріне, конвенцияларына жіті мән беріп, халық, ел, мемлекет қауіпсіздігін қамтамасыз ету шараларын атқарады. Зайырлылықтың мақсаты көпконфессиялық қоғамда бейбітшілік пен келісімнің тұрақтылығын сақтау екен.
Икрам АЙТАЕВ
