Бір ғалымнан: «Кімде-кім тәубе жасаған уақытында тәубесі қабыл болғанын не болмағанын білуі мүмкін бе?» деп сұраған екен.
Ғалым былай деді:
– Жоқ, қабыл болғаны яки қабыл болмағандығы туралы кескен бір үкім шығарылуы мүмкін емес. Бірақ қабыл етілгендерін көрсетуші кейбір белгілері бар.
- Кісі өзінің күнә істеуге құлықсыз болғанын байқайды;
- Жүрегінде тыныштық орнағанын көреді. Үнемі «Алла мені көріп тұр» деген күйде жүреді;
- Тура және әдепті жақсы адамдармен жүреді, жаман пейілді адамдардан өзін аулақ ұстайды;
- Ашкөз болмайды, аз болса да адал жолмен тапқанына қанағат етеді. Өзінің аз болса да халал жолмен тапқаны оның көзіне көп болып көрінеді, бірақ жасаған қайырлы және көркем амалдары көп болса да оның көзіне аз көрінеді;
- Жүрегі үнемі Алла бұйырған амалдарымен байлаулы болады;
- Дінін жаман көздерден қорғайды;
- Үнемі Алланы есіне алып жүреді;
- Істеген күнәларына өкініп жүреді.
(«Жүректер кілті» (Әбу Хамид әл-Ғазали) кітабынан)
Дайындаған Қуат ҚАБДОЛДА
