Беларусь Республикасының Минск және Несвиж қалаларында «Музейные инициативы на пространстве СНГ» атты II халықаралық ғылыми-практикалық конференция өтті. Қатысушылар музей ісін дамыту, тарихи-мәдени мұраны сақтау және халықаралық ынтымақтастықты нығайту мәселелерін талқылады.
Жиынға Қазақстан атынан Қазақстан Республикасының Ұлттық музейі, «Әзірет Сұлтан» және «Бозоқ» мемлекеттік тарихи-мәдени музей-қорықтарының өкілдері қатысты.
Конференция аясында «Бозоқ» мемлекеттік тарихи-мәдени музей-қорығы мен Беларусь Республикасының «Несвиж» ұлттық тарихи-мәдени музей-қорығы ынтымақтастық туралы меморандумға қол қойды.
Құжатта көрмелер өткізу, ғылыми және мәдени-ағартушылық жобаларды іске асыру, музей қорларын зерттеу және кәсіби тәжірибе алмасу көзделген.
Екі мекеменің әріптестігі қос елдің тарихи-мәдени мұрасын сақтау, зерттеу және кеңінен танытуға бағытталған.
