Сұрақ: Ерлі-зайыптылардың татулығы жайлы Исламда не дейді?
Жауап: Ислам – отбасының берік те, берекелі болуын басты назарға алған дін. Отбасының береке-тыныштығы ерлі-зайыптының бір-біріне деген сенімділік пен сүйіспеншілікке негізделген. Ал, қазіргі таңда нәпсіге еріп, сен дүние таппадың, сенің түкке пайдаң жоқ т.б. сынды уәждермен отбасылар ыдырап жатқаны белгілі. Осындай дүниелер ерлі-зайыптылардың бір-біріне жұмсақ мәміле танытпаудан, сүйіспеншілікпен, құрметпен қарамаудан, туындайды.
Екі жұп жауапкершілікті алып, бала тәрбиесіне мән беріп, ысырапшылыққа бармай, нәпсіге құл болмай некені сақтауға әрекет етсе, берекелі болады. Ең бастысы отбасының ішкі сырын сақтап, жағымсыз істерін жария етпей, ақылмен, сабырлылықпен шешуге әрекет етуінде қайыр бар.
«Ниса» сүресінің 19-аятында: «Жұбайларыңмен жақсы қарым-қатынаста болыңдар» десе, 34-аятында: «Егер ол әйелдер сендерге мойынсұнып жатса, оларға жамандық жасаудың жолын іздемеңдер. Күмәнсіз Алла Жоғары мәртебелі әрі ұлы» деген.
Икрам АЙТАЕВ
