Сұрақ: Қандай жағдайларда дәрет бұзылады?
Жауап: Құлшылық амалдары дәрет алып орындалады. Намазхан адам дәретке қатысты дүниелерді біліп жүргені абзал. Дәрет дұрыс алынбаса, құлшылық амалдары дұрыс болмайды.
Дәретке қатысты ҚМДБ-ның ресми сайттары мен діни еңбектерінде кең ақпараттар қамтылған. Мына жағдайларда дәрет бұзылады: үлкен-кіші дәреттен кейін, қан, мәни, мәзи, уәди секілді нәжістер және денеден сұйық нәрсенің шығуы, мұрыннан немесе дененің кез келген жерінен қан, ірің секілді нәрселердің шығуы, исі бар жел шықса, аузы толып құсуы, ақыл-есінен айыратын жағдайларда, жыныстық қатынаста болу, тәйәммүм жасаған адамның суға қолы жетуі, т.б. Дәретті толық алып, орындалған құлшылықта сауап бар екен.
Икрам АЙТАЕВ
