Сұрақ: Дәрет алғанда айтылатын дұға бар ма?
Жауап: Дәстүрлі Исламда тазалық мәселесіне аса мән берілген. Дәрет алу арқылы құлшылық амалдары орындалады. Дәреттің парыздары мен сүннеттері бар. Оған ниет ету маңызды. Ал, дәреттің парыздары мен сүннеттерін алу барысында, қосымша дұға айту – қайырлы іс.
Дәретті «Әъзу» мен «бисмилла» сөздерінен кейін, мына дұғаны оқуға болады. «Әл-хамду-ллиллаһи-ллази жаълал-маә таһуран уә жаълал-ислама нуран», қазақша мағынасы (суды тазартушы, Исламды нұр еткен Аллаға шүкір). Сонымен ауызға су алғанда, мұрынға су тартқанда, жүзін жуғанда, оң қолын жуғанда, сол қолын жуғанда, басқа мәсіх еткенде, аяқты жуғанда айтылатын ғалымдар ұсынған дұғалар бар. Аталған дұғалар мәтіндерін ҚМДБ-ның ресми сайттарынан, діни кітаптарынан табуға болады.
Икрам АЙТАЕВ
