Сұрақ: Дәрет алуға әлі келмесе, не істейді?
Жауап: Алла адамға шамасы келмейтін амалдарды жүктемейді. Әркім өз шамасы деңгейінде құлшылық амалдарын орындайды. Исламда барлық діни мәселенің шешімі бар.
Сонымен, адамның дәрет алуға мүмкіндігі болмаса немесе денсаулығы келмесе, онда жер жынысынан болған затқа таяммум алу – шариғат талабы. Дәрет алуға мүмкіндігі жоқ мынадай жағдайлар бар: су таппағанда, су бар, бірақ қолданса денсаулығына зиян төнетін жағдайлдарда, ауыр науқастанып, қозғала алмай, суға қол жеткізе алмаса, дәрігер су қолдануға тыйым салса, т.б.
«Ниса» сүресінің 43-аятында: «…Ал егер науқас немесе жолушы болсаңдар, яки үлкен дәретке отырып келгеннен не болмаса әйелімен төсек қатынасына түскеннен кейін су таба алмасаңдар, таза жерге тәяммум соғып онымен беттеріңді және қолдарыңды сипаңдар» деген.
Икрам АЙТАЕВ
