Қазақстанның Түркиядағы Елшісі Еркебұлан Сәпиев Түркия Республикасының Дін істері басқармасының (Diyanet İşleri Başkanlığı) төрағасы Али Эрбашпен кездесті.
Кездесу барысында тараптар діни-рухани саладағы ынтымақтастық мәселелерін, сондай-ақ А. Эрбаштың 2025 жылғы қыркүйекте Астанада өтетін Әлемдік және дәстүрлі діндер лидерлерінің VIII Съезіне қатысуын талқылады.
Елші аталған форумның түрлі конфессиялар мен мәдениеттер өкілдері арасындағы диалогты нығайтуға, өзара түсіністік пен бейбітшілік құндылықтарын ілгерілетуге бағытталған бірегей халықаралық алаң екенін атап өтті.
Өз кезегінде А. Эрбаш Қазақстанның дінаралық және мәдениетаралық ынтымақтастықты дамытудағы бастамаларының маңыздылығын атап өтіп, алдағы Съездің жұмысына жеке қатысуға дайын екенін растады.
