Сұрақ: Намаз рәсімдерін орындағанда қандай дұғалар айтылады?
Жауап: Намаз қиям, рукуғ, сәжде, т.б. сынды амалдармен орындалады. Намаздың әрекеттері арасында айтылатын дұғалар бар. Ол дұғалар хадис негізінде белгіленген.
Кейбір намазхандар мөлшерден көп дұғалар айтамын деп артық амалдарға бой алдырады. Артық амалдар намазды бұзуы мүмкін. Алғашқы тәкбірден кейін «сәна» дұғасы: «Субханака Аллаһумма уә би-хамидка уә тәбәракас-мука уа таъла жәддука уә ләә-иләһә ғайрук», рукуғтан тұрар кезде айтылатын дұға: «СәмиАллаһу лимән хадимаһ», рукуғта айтылатын тәсбих: «Субхаана раббиял-ъзим», сәждеде оқылатын тәсбих: «Субхана раббиял-аъла».
Сондай-ақ, отырыста айтылатын «ат тахият» және басқа да салауаттар бар.
Қосымша ҚМДБ-ның ресми сайттарына жүгінуге болады. Рукуғ, сәждеде тәсбихты үш реттен айту дұрыс. Хадистерде үш, бес, жеті рет айтылғаны баяндалған. Қателікке бой алдырмай, дұрыс намаз оқу қайырлы іс.
Икрам АЙТАЕВ
