Қазақстан мұсылмандары діни басқармасының төрағасы, Бас мүфти Наурызбай қажы Тағанұлының бастамасымен, Ақтөбе облысы өкілдігінің қолдауымен «Ислам және отбасы құндылығы» жылы аясында ҚМДБ «Зекет және қайырымдылық» қорының «Ел үлесі – пәтерге» жобасы бойынша 850-ші баспана Ақтөбе облысы, Шалқар ауданында табысталды.
Игі шара аясында аудандық мешіт жанашырының демеушілігімен 3 бөлмелі пәтер мүмкіндігі шектеулі баланы тәрбиелеп отырған Гүлжан Туксубаеваға берілді.
Шалқар ауданының бас имамы Абзал Медетбеков жұма уағызында «Шариғаттағы бес аманат» тақырыбында насихат айтып, пәтер кілтін салтанатты түрде табыстады.
Қайнар көзі:
muftyat.kz
