Сұрақ: Бала тәрбиесіндегі жанұяның орны қандай?
Жауап: Жанұя – адам баласының алтын тірегі. Ата мен әже, әке мен шеше – жанұя мектебінің рухани ұстазы. Бала сол отбасында өсіп, ер жетіп, жанұя тәрбиесін алады.
Отбасында адалдық пен мейірімділік, жауапкершілік пен кешірімділік дүниелері баланың көкірегінде орын тебеді. Сол шаңырақта әрдайым «әдепті бол», «тәрбиесіздік етпе», «көргенсіз болма», «адал бол» деп өсіруде хикмет бар. Осындай даналықты көріп өскен бала тіл алғыш, адал, тиянақты, ұқыпты болып шыға келеді. Сондықтан да жанұя адамзаттың аса қажетті, әрі қасиетті алтын мектебі деген.
Бала тәрбиесінде немқұрайлық танытып, жауапсыздық жағдайларда зардабы бар. Кейбір шаңырақтар да, жат діни ағымдардың жетегінде кетіп, отбасының берекесін құртып, күйреп отыр. Бұл бала тәрбиесінде жіберген үлкен қателіктің салдары. Халық даналығында «Ел болам десең, бесігіңді түзе» деп бекер айтылмаған. Баланың болашаққа, кемелділікке жетуі жанұядан басталады.
Икрам АЙТАЕВ
