Сұрақ: Зинақорлықтың зардабы қандай болмақ?
Жауап: Ислам дінінде ауыр күнәлардың бірі – зинақорлық. Дін мен салт-дәстүрімізде некесіз жыныстық қатынасқа алып баратын әрекеттерге қатаң тыйым салынады. Себебі бұл әрекеттің салдары арсыздық пен апатқа әкеп соқтырады.
Зинақорлықтың нәтижесінде некесіз сәбилер дүниеге келіп, берекесі кеткен жанұялар артып, шаңырақтары шайқалып, қоғам бұзылады. Қазіргі таңда әлеуметтік желіде рухани азғындаған кейбір жастар, арын сақтауды артта қалғандық, жабайылыққа балап, нәпсіге ерік беріп жатқандары бар. Бұл дәстүрлі тәлім-тәрбиенің жоқтығы.
«Әнғам» сүресінің 151-аятында: «Азғындық істердің жариясына да, жасырынына да мүлде жоламаңдар» десе, «Исра» сүресінің 32-аятында: «Зинаға тіпті жолмаңдар! Өйткені ол – барып тұрған азғындық, (кісіні тозаққа сүйрейтін) жаман жол!» деген.
Отбасымыз шайқалмасын десек, нәпсіге ие болып, зинадан сақтанып, Алладан дұға тілеп, арсыздықтан аулақ болайық.
Икрам АЙТАЕВ
