Қасиетті Рамазан айында ҚМДБ-ның Түркиядағы өкілдігі Кайсери қаласындағы қазақстандық студенттерге ауызашар дастарханын жайды, деп хабарлады ҚМДБ-ның Түркиядағы жауапты өкілі Абдурашит Карабаев.
«Bereket» мейрамханасында өткен ауызашарға Хасеки діни жоғарғы академиясының және Эрджиес университетінің студенттері қатысты.
Ауызашар кешінде ҚМДБ-ның Түркиядағы өкілі, «Талаба» қауымдастығының жетекшісі Абдурашит Карабаев ҚМДБ Төрағасы, Бас мүфти Наурызбай қажы Тағанұлының сәлемін жеткізе отырып, қонақтарды мүбарак Рамазан айымен және Наурыз мерекесімен құттықтады.
Ауызашар дастарханына ҚМДБ-ның Алматы және Жетісу облысының өкілдігі мен жамағаты демеушілік жасады.
Іс-шараға мұрындық болған «Талаба» қауымдастығының өкілі Абдурашит Карабаевқа жиналған студенттер өз ризашылықтарын білдірді.
