Бұл еліміздің кезекті этностық картасы. Мұнда Ұлттық статистика бюросының 2024 жылғы деректері енгізіліп отыр. Ал 2025 жылдың мәліметтері алдағы сәуір айында жарияланады. Әр облыс пен қаланың деректері сызықпен көрсетілген және сандары облыстың түсімен берілген.
Ел халқының ұлттық құрамына қатысты негізгі фактілер:
Қазақтар саны Солтүстік Қазақстан облысынан басқа барлық өңір мен қалаларда бұрынғыша 1-орында тұр.
Үш облыста (Қызылорда, Атырау, Ақтау) қазақтар үлесі 90 пайыздан асады.
Астана мен Ақтөбе облысында 80 пайыздан жоғары.
7 облыс пен Шымкент қаласында 70 пайыздан жоғары.
Абай облысы бөлінгеннен кейін бұл өңірде қазақ пен орыстан кейінгі 3-орынға татарлар шыққан.
Маңғыстау облысында бұрын 3-орында әзербайжандар болса, биыл қарақалпақтар көтерілген.
Түркістан облысында орыстар тұңғыш рет алғашқы үштікке енбей қалды. Олардың орнын тәжіктер басыпты.
Солтүстік Қазақстан облысында қазақтың үлес салмағы 37,6 пайыздан 37,8 пайызға өскенімен, жалпы саны 203 мыңнан 200 мыңға төмендеген. Бұл – қазақ саны кеміген жалғыз өңір.
Орыс халқының саны барлық өңірде азайып, тек Алматы мен Астанада, сондай-ақ Ресеймен шекаралас Ақтөбе мен Батыс Қазақстан облыстарында аз ғана көбейген.
Ескендір ЗҰЛҚАРНАЙ
