Сұрақ: Адам ата қайда жерленген?
Жауап: Адам атаның мазары туралы нақты ақпарат жоқ. Адам пайғамбар адам атауына ортақ болғандықтан жер жүзіндегі халықтар арасында түрлі аңыз әңгімелер айтылады. Әдетте халық жақсы көрген тұлғаға қатысты өз аймағында жерленгені туралы ауыз әдебиетіне, фольклорда із қалдырады.
Мысалы, Қожанасырдың мазараты әлемде бірнеше жерде (Түркия, Әзербайжан және т.б.) бар екені айтылады. Сол сияқты Адам пайғамбардың мазаратына да қатысты бірнеше жер айтылады. Біріншісі, жәннаттан қуылып түскен Үндістандағы Науз бағының маңына қойылған. Екінші болжам, Меккедегі Әбу Қубайс үңгіріне жерленген. Үшіншісі, топан су басқан уақытта Нух пайғамбар ол кісінің денесін кемеге алып, кейін Байт әл-Муқаддасқа қойылған. Төртіншісі, Палестина жеріндегі Ибраһим мешітінің жанына жерленген.
Жалғас САНДЫБАЕВ
