Нью-Йорк мэрі Эрик Адамс мешіттердің сыртқы дауыс ұлғайтқыштары арқылы жұма намазына және Рамазандағы тарауық намазына азан шақыруға рұқсат беретін жарлыққа қол қойды.
Баспасөз мәслихатында қала басшысы мешіттер енді алдын ала рұқсат сұрамай-ақ азан шақыра алатынын айтты. “Бұған дейін дауыс ұлғайтқыш арқылы құлшылыққа шақыруға қатысты түсінбеушіліктер бар еді. Бұдан былай біз егер мешіттерде немесе басқа да құлшылық ету орындарында болса, ол үшін рұқсат сұраудың қажеті жоқ екенін сенімді түрде айта аламыз” деді ол.
