Татарстан Республикасының мұсылман және православ діндарлары Еуропаның ең биік нүктесі – Эльбрус (Мәңгі-Тау) шыңын бағындырды.
Экспедиция құрамында 10 адам болды. Олардың ішінде Татарстанның Бас мүфтиі Камиль хазрет Самигуллин де бар.
Биіктігі теңіз деңгейінен 5642 метрді құрайтын шыңға шығу 8 тамыз – Халықаралық альпинизм күнімен және мұсылман күнтізбесі бойынша 1443 жаңа жылдың кіруімен тұспа-түс келді.
Осылайша Эльбрусқа тұңғыш рет конфессияаралық экспедиция жүзеге асты.
Олардың айтуынша, тауға шығу кезінде ауа райы қолайсыз, желді және тұманды болған. Алайда, олар алдын ала жақсы дайындалғандықтан, барлық қиындықтан қиналмай өткен.
Айта кетейік, бұл Татарстан мүфтиінің Эльбрусқа бірінші рет шығуы емес. Осы жылы қаңтар айында ол ресейлік джитсерлердің жиынына қатысып, Татарстан туын ұстап 4460 метр биіктікке көтерілген.
