АҚШ Мемлекеттік департаменті Сирияның терроризмге демеуші мемлекет мәртебесін жойды. Сонымен қатар Вашингтон Башар Асад режимі құлатылғаннан кейін билікке келген «Әл-Нусра майданы» немесе «Хаят Тахрир аш-Шам» ұйымын «Жаһандық терроризм» бағдарламасы аясындағы санкция салынатын ұйымдар тізімінен шығарды, деп хабарлайды Egemen.kz.
Шешім АҚШ президенті Дональд Трамптың Сирияға қатысты санкцияларды жеңілдету жөніндегі берген уәдесіне сәйкес қабылданған.
«Қабылданған шаралар Сирияға қосымша инвестиция тартуға мүмкіндік беріп, елдегі саяси және экономикалық тұрақтылықты нығайтуға ықпал етеді», АҚШ Қаржы министрі Скотт Бессент.
Сирия президенті Ахмед аш-Шараа бұл шешімді тарихи қадам деп атап, ел тарихында «даму мен қалпына келтіру» кезеңіне жол ашылғанын айтты.
Еске салайық, бұған дейін Сирия соты елдің экс-президенті Башар Асадты адамзатқа қарсы қылмыстар мен әскери қылмыстар жасады деген айыппен сырттай өлім жазасына кесті. Оның інісі Махер Асад пен немере ағасы Атеф Наджибке де өлім жазасы тағайындалды.
