Сұрақ: Исламда жалқаулықтың орны қандай?
Жауап: Жалқаулық – адамның бойындағы кертартпа жағымсыз сипаттың бірі. Ол адамды рухани және материалдық кедейлікке душар ететін ауру. Жалқаулық дерті құлшылық пен жақсы амалдарды жасауға кедергі болатын, Исламда құпталмаған жағымсыз сипат.
Мұндай дертке шалдыққан адам көздеген мақсат-мұратына жете алмай, өмірдің мәнін жоғалтады. Жеңіл табыс табамын деп, нәпсінің соңына түсіп түрлі діни ағымдардың жетегінде кету қаупі де бар. Жалқаулықтан арылып, жақсылыққа жету үшін тынымсыз еңбек пен тағаттылық қажет.
Жаман қасиеттерден арылып, жақсылыққа ұмтылу – саналы адамның ісі болуы керек.Пайғамбарымыздың (с.а.у.) дұғаларының бірінде: «Уа, Аллам! Расында, мен Өзіңе әлсіздіктен және жалқаулықтан (сақта деп) сыйынамын», – деген.
Икрам АЙТАЕВ
