Сұрақ: Діни уағыз бен насихат айтудың айырмасы неде?
Жауап: Дәстүрлі Исламның тағылымында жақсылыққа шақыру, жаманшылықтан қайтару қағидасы бар. Қазіргі таңда діни уағыз мәселесімен ҚМДБ-ның Республикалық ақпараттық-насихаттық топ мүшелері айланысады. Аталған топ мүшелерінің жоғары діни білімі мен біліктілігі бар.
Ал, діннен хабары жоқ басқа сала мамандары өз бетімен насихат айтамын деп, діни уағыз айтып кететіндері қоғамда жиі кездеседі. Біреу жұмақты айтып қуантса, екіншісі тозақты айтып қорқытып халық арасында түрлі діни көзқарастарды қалыптастыруда. Бет алды уағыз айтатындар нәтижесінде түрлі жауапкершілікке тартылып жатады.
Уағыз – діни мәселелерді түсіндіру, ғибадатқа шақыру, Құран аяттары, пайғамбарымыздың (с.а.у.) хадистері, діни пәтуалар, исламдағы ғибраттар негізінде айтылатын діни сөз.
Насихат ата-ананы сыйлау, ақыл-кеңес беру, үлкенді құрметтеу, обал мен сауап, сабырлы болу, білім алу, өмірде дұрыс шешімдер қабылдау сынды т.б. дүниелер.
Демек, заңның талаптарын сақтап діни уағызды ресми дін өкілдері айтса, насихатты әр азамат орнымен айта алады екен.
Икрам АЙТАЕВ
