Алматы және Жетісу облыстары бойынша ҚАЖ департаментіне қарасты №10 мекемесінде сотталған әйелдермен топтық форматта кездесу өткізілді.
Кездесу тақырыбы «Түркі даласындағы ислам дінінің таралуы және пайғамбар әулеті мен сахаба ұлдарының қызметі» болды. Кездесу барысында арнайы дайындалған слайдтық материалдар көрсетіліп, ислам дінінің VIII ғасырдан бастап Түркістан өңірінде орныға бастағаны тарихи деректер мен ғылыми дәлелдер негізінде түсіндірілді.
Дәріс барысында сахаба ұлдарының Орта Азияға келуі, олардың ислам дінін таратудағы рөлі, сондай-ақ пайғамбарымыздың (с.ғ.с.) әулетінен шыққан тұлғалардың түркі халықтары арасында жүргізген діни-ағартушылық қызметі туралы кеңінен баяндалды. Сонымен қатар ислам дінінің түркі халықтарының рухани өміріне, мәдениетіне және дүниетанымына тигізген ықпалы нақты тарихи деректер арқылы түсіндірілді.
Кездесу соңында қатысушылар тарапынан қойылған сұрақтарға жауап беріліп, тақырып аясында пікір алмасу жүргізілді. Жалпы кездесу қатысушылардың қызығушылығын туғызып, олардың тарихи және діни білімдерін арттыруға оң әсерін тигізді.
