Сұрақ: Хижри айларының қандай қасиетті түндері бар?
Жауап: Ислам – толық кемелденген дін. Хижри он екі айының қасиетті күндері мен түндері көп. Құран аяттары мен хадистерде хижри айларының қадірленетін күндері мен түндері ашық баяндалған. Олар: Қадір түні, Миғраж түні, Бараат түні, Мәуліт күні, Рағаиб түні. Аталған айлардың түндері нәпіл намаздар оқу, дұға жасау, Құран аяттарын оқу, истиғфар айту сынды амалдармен өткізген сауапты және қайырлы іс.
Қадір түні (Құран аяттары түскен күн) Рамазан айының соңғы тақ күндері, нақтысы 27-сі күні. Рәжап айының алғашқы жұма түні – «Рағайып түні». Рәжап айының 27-ші түні «Миғраж түні» (Пайғамбарымыз с.а.у. көкке көтерілген және Алланың ерекше белгілерін көрген). Шағбан айының 15-ші түні «Бәраат түні». Рабиғул-әууәл айының 12-ші күні «Мәуліт» (Мұхаммед с.а.у. дүниеге келген) күн.
Демек аталған хижри айларының күндері мен түндері өзіндік тарихи-рухани және қасиетімен ерекше екен. Бұл түндері құлшылықпен өткізіп, Алланың Рахметі мен ризашылығына бөленуге болады.
Икрам АЙТАЕВ
