Қайтыс болған марқұмды жерлеуге барғанда көпшілік бір уыс топырақты не күрекке, не матаға салып беріп жатады.
Сол топырақты салғанда айтылатын дұғасы:
“Минһа халақнаакум уа фиһаа нуғиидукум уа минһаа нухрижукум тәратан ухраа” («Одан (топырақтан) сендерді жараттық. Оған қайтарамыз да екінші рет содан шығарамыз», (Тоха:55)
Негізінде топырақ салғанда осы амалды жасау сүннет амалға жатады. Осы арада, ескере кететін бір жәйт, бір уыс топырақты күрекке, не матаға салу жасы келген адамдар үшін жасалған үрдіс.
Өйткені бұл үрдіс, жасы үлкен адамдар топырақ салуға шамалары жетпей, құлап қалуы сияқты жағдайларының алдын алу үшін жасалған.
Ал, жас азаматтардың барынша марқұмды жерлеуге белсене атсалысулары ең дұрыс амал болып саналады.
Пайғамбарымыз ( Алланың салауаты мен сәлемі оған болсын:
«Кімде-кім жаназа намазына қатысып, марқұмның денесін жер қойнына тапсырғанға дейін бірге жүрсе, оған екі қират сауап жазылады. Әрбір қират – Ухуд тауындай болады» деген.(Бухари)
Алла баршамызға разы болсын!
Қуат ҚАБДОЛДА
