Сұрақ: Діни сенім бостандығының өлшемі бар ма?
Жауап: Әлемде екі жүзге жуық мелекет бар. Әр елде түрлі этнос өкілдері мен дін өкілдері өмір сүреді. Мұсылман елдерінің бірі теократиялық болса, бірі зайырлы мемлекет. Зайырлы мемлекетте барлық діндер мен конфессияларға бірдей қарайды.
Зайырлы мемлекет қағидаларының бірі – діни сенім бостандығына кепілдік береді. Сондай-ақ, дәстүрлі Ислам қағидасында да діни сенім еркіндігі сақталған. Діни сенім бостандығының заңдық және қоғамдық шекарасы қалыптасқан. Ол қоғамдық тәртіпке, қауіпсіздікке және өзге адамдардың құқығына зиян келтірмеуі керек.
Кейбір азаматтар шетелдік діни радикалды уағызшыларға еліктеп, олардың халифат құру керек, Ислам мемлекетін құру керек деген сынды сандырағын ақиқат деп қабылдайды. Діни радикалды уағызшылардың көздегені – діни тұрақтылықты жою. Мұндай идеологиялардың түбі діни экстремизмге, дінараздық алауыздыққа, қоғамға қауіпті әрекеттер жасауға үгіттейді.
Сондықтан өзге діни идеологияларға еліктемей, салт-дәстүрмен сабақтасып халықтың рухани өмірінен орын тапқан дәстүрлі діни танымды ұстанған абзал. Демек, діни сенім бостандығы деп, өзге шетелдік уағызшыларға еліктеу дұрыс шешім емес. Зайрылы елдің заңына бағынып, өз сеніміңді ұстанып өмір сүрген дұрыс.
Икрам АЙТАЕВ
