Сұрақ: Халал сертификаты деген не?
Жауап: Ислам – халал мен харамның аражігін ажыратып берген дәстүрлі дін. Халал ұғымы мұсылман қоғамында шариғат рұқсат еткен, таза әрі адал нәрселерді білдіреді. Бұл ұғым тамаққа ғана емес, адамның күнделікті өміріндегі барлық іс-әрекеттеріне қатысты қолданылады. «Өнімнің құрамында шошқа еті, алкоголь, адал жолмен өндірілді ме», «тазалық және діни талаптарға сәйкес дайындалған ба», т.б. сынды талаптар бойынша жұмыс жасайды.
ҚМДБ жанындағы «Халал Даму» ЖШС мекемесі – Қазақстандағы халал өнімдерді стандарттау жұмыстарымен айналысатын ұйым. Бұл ұйым ҚМДБ-ның қала және облыс орталықтарында бар. Сондай-ақ, Халықаралық деңгейдегі мұсылман елдерімен де байланыста.
«Халал Даму» ЖШС мекемесі қойған барлық талап орындалса, кәсіпорынға сертификат беріледі. Сертификат алғаннан кейінде бақылау жұмыстары жалғасады. Егер талаптар бұзылса, сертификат уақытша тоқтатылуы немесе күшін жою мүмкін. Негізгі мақсаты – елдегі өнімдер мен қызметтердің таза және шариғат талаптарына сай болуы.
Икрам АЙТАЕВ
