Қарағанды қаласындағы облыстық орталық «Әнет-баба» мешітінде ҚМДБ «QAMQOR-SHARAPAT» орталығы «Цифрланған салттық қызмет – сенім мен сауаптың жолы» атты семинар өткізді. Іс-шараға орталық басшысы Мейрамбек Қабылбекұлы, Қарағанды облысының Бас имамы Естай Әбдіғали, Қарағанды облысы Дін істері басқармасының өкілі С.А. Рымқұлов, Қазыбек би ауданы әкімінің орынбасары Б.С. Нұртаева, «KazAeroSpace» ЖШС бөлім басшысы Б.Қ. Тыныбек, сондай-ақ мемлекеттік және жергілікті орган өкілдері, өңір имамдары мен салттық қызмет ұйымдарының басшылары қатысты.
Семинар барысында Мейрамбек Қабылбекұлы қатысушыларға ҚМДБ Төрағасы, Бас мүфти Наурызбай қажы Тағанұлының сәлемін жеткізді. Сонымен қатар республика бойынша салттық қызметтерді жүйелеу және зираттарды цифрландыру бағытында атқарылып жатқан жұмыстар таныстырылды. Жиында Қарағанды облыстық бөлімшесінің нәтижелі қызметі атап өтіліп, былтыр өңірлер арасында үздік бөлімше атанғаны мәлімделді.
Шарада ҚМДБ мен «KazAeroSpace» ЖШС бірлесіп әзірлеп жатқан Jerleu.kz платформасының биылғы жыл соңына дейін іске қосылатыны хабарланды. Компания өкілі платформа мүмкіндіктерін LED экран арқылы таныстырды.
Жергілікті мемлекеттік органдар ҚМДБ бастамаларын қолдап, бірлескен жұмыстардың жалғасатынын жеткізді.
