Сұрақ: Әр намазға ниет ету керек пе?
Жауап: Барлық құлшылық амалдардың дұрыс болуы ниетке байланысты. Ниетсіз орындалған құлшылықта сауап болмайды.
Ниет ету – намаздың дұрыс болу шарттарынан. Намаздың парыз, уәжіп, сүннет, қаза т.б. түрлері бар. Адам қандай намазға кіргісі келсе, сол намазды жүрекпен білуі шарт. Қандай намаз екендігіне күмәнданса, намазы дұрыс болмай, ниетті дұрыстау қажет болады.
Намаздың дұрыс болуы жүрекпен ниет етумен қоса, тілмен айту абзал екен.
Қазіргі таңда шетелдік түрлі жат діни ағымдардың арасында ұстаздарын тыңдап, дәрет алудағы ниетім намазға жарайды, әр намазға ниет маңызды емес сынды пікірлерімен жүретіндер кездеседі. Мұндай ықылассыздықта болу құлшылықтың дұрыстығына кедергі болады.
Исламның бес парызы жайлы кең ақпараттар «Ислам ғылымхалы» еңбегінде баяндалған. Пайғамбарымыздың (с.а.у,) хадисінде: «Амалдардың қабыл болуы әрі сауапты болуы ниетке байланысты. Кімде кім неге ниет етсе, оның қарымтасын алады» деген. Құлшылықта шынайы ниетке мән беріп, рияшылдықтан сақ болғанымыз абзал.
Икрам АЙТАЕВ
