Қазақстан мұсылмандары діни басқармасының ұйымдастыруымен 2025 жылдың 14-16 қазан күндері Астана қаласында ұлттық мерекеміз – Республика күніне және ҚМДБ-ның 35 жылдық мерейтойына орай ІІ халықаралық Құран жарысы өтеді.
Республикалық бас мешітте өтетін сайысқа Қазақстан Республикасы, Сауд Арабиясы Корольдігі, Әзірбайжан, Біріккен Араб Әмірліктері, Индонезия, Қырғызстан, Мысыр Араб Республикасы, Марокко Корольдігі, Өзбекстан, Ресей Федерациясы, Татарстан, Тәжікстан, Түркия, Түркменстан, Малайзия, Бахрейн, Шешен Республикасы, Иран, Иордания, Палестина, Пәкістан, АҚШ, Германия елдерінің қарилары қатысады деп күтілуде. Қатысушылар Құранды толық жатқа оқудан бақ сынайды.
Халықаралық жарысқа Қазақстан, Түркия, Мысыр, Біріккен Араб Әмірліктері, Қырғызстаннан шақырылған әлемге танымал, тәжірибелі қарилар төрелік етеді.
Екі күнге жалғасатын халықаралық Құран жарысын мүфтияттың төл арнасы «Munara TV», «Муфтият ҚМДБ» YouTube арнасы және ҚМДБ-ның ресми әлеуметтік желідегі парақшаларынан тікелей эфирде тамашалауға болады.
Айта кетейік, 2023 жылы елімізде алғаш рет ұйымдастырылған халықаралық Құран жарысында марокколық қари Ильяс Хажри үздік шығып, жеңімпаз атанған болатын.
Өтетін орны: Астана қаласындағы Республикалық бас мешіт.
Басталуы: 15 қазан 2025 жыл, сағат 10:00.
Еліміздегі барша мұсылман қауымын халықаралық деңгейде өтетін Құран жарысын тамашалауға шақырамыз!
