Әлеуметтік желіде шыққан өзбекстандық ұстаздың уағызынан үзінді:
«Осыдан он жыл бұрын «Көкілташ» медресесінде оқып жатқан шәкірт, өзінің төсегі жанындағы қабырғаға бір қағазға мына сөздерді жазып қойыпты:
«Қазір ұйықтасаң, арманыңды түсіңде көресің.
Ал, егер ұйықтамасаң, арманыңды өміріңде көресің.
Қиыншылықсыз мақсатқа жетуге болмайды.
Бүгінгі күн ешқашан қайтып келмейді.
Егер сен бүгін жаяу жүруді қаламасаң, ертең жүгіруіңе тура келеді.
Білім алу бейнеті уақытша, ал білімсіздік бейнеті мәңгілік.
Кімде-кім барлық нәрсені ерте жасаса, өзінің жігерлілігінен рахаттана алады».
Сол шәкірт осы сөздерді әрдайым оқып, өзін-өзі білім алуға ыждаһаттандырып отырыпты.
Алла Тағала баршамызға пайдалы білім нәсіп етсін!
Қуат ҚАБДОЛДА
