Құранда Алла Тағала перзенттерге ата-аналарыңа дұға ет деп бұйырады. Алайда, қашан дұға жасалады, қанша мәрте жасау керек десеңіз, жауапты қараңыз:
Ата-анаға дұға жасау мүмкіндігі дүниәуи істе берілмейді, тек ухрауи (ақыреттік) істе ғана беріледі, намаздың ішінде берілді.
Сіздерге белгілі нәрсе, намаздың ішінде дүниәуи нәрсе сұрауға болмайды. Мәселен, намаздың ішінде тұрып: «Иә, Құдайым! Маған жүз мың доллар бер» деп айтсаңыз, намазыңыз бұзылады.
Алайда, намаздың ішінде ата-анаға дұға жасауға мүмкіндік беріледі. Сәлемнен бұрын, намазда ташаһуд және салауаттан кейін: «Аллаһумма ағфирлии уәлиуәәлидәия» дейміз. Яғни, сәлемнен бұрын: «Аллаһым, мені және ата-анамды кешіре гөр» деп айтып, намаздан шығамыз.
Ойланып көрсеңіз, Алла Тағала ата-анамызды қаншалықты дәрежеге көтерген?
Жаратқан Иеміз баршамызды ата-анасын құрметтеп, ризашылығын алып, дұға жасайтын ұрпақтан болуға нәсіп етсін!
Шейх Рахметолла ТЕРМИЗИ
Дайындаған Қуат ҚАБДОЛДА
